Hərrac qiymətləri qaldırdı
Əmlak Məsələləri Dövlət Komitəsinin 20 noyabr hərracının nəticələri açıqlanıb. Rəsmi məlumata görə, Bakının Yasamal rayonunun Həsən bəy Zərdabi prospektində 26,5 kvadratmetrlik qeyri-yaşayış sahəsi 9 min manata təklif olunub, sonda obyekt 15 min 500 manata satılıb.
2005-ci ildə buraxılmış, 700 manata təklif olunan “VAZ” markalı avtomobilin qiyməti hərracda 3 dəfəyədək yüksəlib.
Digər “VAZ” markalı nəqliyyat vasitəsi (istehsal ili:1995) 800 manata təklif olunub, 2050 manata özəlləşdirilib.
Salyan rayonu, Peyk kəndindəki yardımçı kənd təsərrüfatı 50 min kvadratmetrlik geniş torpaq sahəsi ilə birgə satılıb. Ümumi faydalı sahəsi 66,7 kvadratmetr olan dövlət əmlakı üçün sifarişçi 46 min manat təklif edib.
