Həlak olanların sayı artdı
Fövqəladə Hallar Nazirliyi Gəncədə baş vermiş faciəli hadisədən yeni məlumat yayıb. Qeyd olunur ki, dağıntılar altından 1971-ci il təvəllüdlü Tağıyeva Nigar Tağı qızının və 1994-cü il təvəllüdlü Heydərov Hüseyn Oktay oğlunun meyitləri tapılaraq çıxarılıb.
Əməliyyat davam edir.
Noyabrın 20-si səhər şəhərdəki dördmərtəbəli yaşayış binalarının birində partlayış baş verib, binanın 1-ci girişindəki mənzillər dağılıb. Partlayışın qaz sızması nəticəsində baş verdiyi ehtimal olunur.
Daha əvvəl dağıntılar altından 1994-cü il təvəllüdlü Cumazadə Cuma Saleh oğlunun meyiti tapılmış, 1997-ci il təvəllüdlü Məmmədli Orxan Oktay oğlu yaralı vəziyyətdə aşkarlanaraq xilas edilmişdi.
