Ədliyyə işçiləri təltif olundu
Noyabrın 20-də prezident İlham Əliyev Azərbaycan ədliyyəsinin 100 illiyi münasibətilə təltif sərəncamları imzalayıb.
Ədliyyə naziri Fikrət Məmmədov və Ali Məhkəmənin sədri Ramiz Rzayev 1-ci dərəcəli “Vətənə xidmətə görə” ordeni ilə təltif olunublar.
Üç nəfərə 2-ci dərəcəli “Vətənə xidmətə görə” ordeni, altı nəfərə 3-cü dərəcəli “Vətənə xidmətə görə” ordeni, on doqquz nəfərə “Tərəqqi” medalı, iyirmi beş nəfərə “Dövlət qulluğunda fərqlənməyə görə” medalı verilib.
Dörd nəfər əməkdar hüquqşünas, bir nəfər əməkdar mühəndis, bir nəfər əməkdar həkim, bir nəfər əməkdar tibb işçisi fəxri adı alıb.
Ədliyyə nazirinin müavini – Penitensiar Xidmətin rəisi Ceyhun Həsənova ədliyyə general-leytenantı ali xüsusi rütbəsi, Penitensiar Xidmətin rəis müavinləri Məhərrəm Qafarova və Oqtay Məmmədova ədliyyə general-mayoru ali xüsusi rütbəsi, Ədliyyə Nazirliyinin əməkdaşları Adil Əbilova, Zahir Əlizadəyə və Nurəddin Mustafayevə III dərəcəli dövlət ədliyyə müşaviri ali xüsusi rütbəsi verilib.
