Bütün iddiaçılar seçkiyə buraxıldı
Ermənistanın Mərkəzi Seçki Komissiyası növbədənkənar parlament seçkisinə qoşulan partiya və blokların namizədlərinin siyahısını təsdiqləyib. Novator.az-ın məlumatına görə, noyabrın 19-da çıxarılan qərarla seçki yarışında 9 partiyanın və 2 blokun iştirakı rəsmiləşib:
Ermənistan Respublika Partiyası
Çiçəklənən Ermənistan Partiyası
Daşnaksütun Partiyası
Qanunçuluq Ölkəsi Partiyası
İşıqlı Ermənistan Partiyası
Milli Tərəqqi Partiyası
Xristian Demokrat Dirçəlişi Partiyası
Vətəndaş Qərarı Sosial Demokrat Partiyası
Sasun Dəliləri Partiyası
“Mənim addımım” bloku
“Bizlər” bloku.
Növbədənkənar seçki dekabrın 9-da keçiriləcək. Proporsional üsulla seçilən parlamentə keçid həddi partiyalar üçün 5 faiz, bloklar üçün 7 faizdir.
Hökumət başçısı Nikol Paşinyan seçkidə “Mənim addımım” blokunun namizədlər siyahısına başçılıq edir.
