Yeni məzənnələr
Noyabrın 16-da Rusiya rublunun rəsmi qiyməti 0,0258 manata, Türkiyə lirəsinin kursu 0,3163 manata yüksəlib.
Novator.az-ın məlumatına görə, Mərkəzi Bank dəyər itirən avronu 1,9267 manata satır, ABŞ dolları (1,7 manat) və Gürcüstan larisinin (0,6343 manat) qiymətlərini isə sabit saxlayıb (Məzənnələr).
2015-ci ildə dolların rəsmi kursu 0,7844 manatdan 1,5594 manata qalxıb. 2016-cı ilə 1,7707 manatla nöqtə qoyulub. 2017-ci il 1,7001 manatla başa çatıb və həmin kurs 2018-ci il martın 7-dək qüvvədə olub. Martın 7-dən dollar 1,7 manata təklif edilir.
Bu ilin yanvar-oktyabr aylarında Mərkəzi Bankın manatı qorumaq üçün keçirdiyi valyuta hərraclarında Dövlət Neft Fondu 5 milyard 129,2 milyon ABŞ dolları dəyərində vəsait satıb.
