Şərti düşmənin hücumu dəf edilib
Azərbaycanın Naxçıvan bölgəsində yerləşən Əlahiddə Ümumqoşun Ordusunun motoatıcı və döyüş təminatı bölmələri komanda-qərargah hərb oyunlarının planına uyğun olaraq şərti düşmənin silahlı hücumunun dəf edilməsi məqsədilə praktiki fəaliyyət göstərib.
Mod.gov.az-ın 16 noyabr məlumatına görə, yaradılmış tabor taktiki qrupları raket-artilleriya, aviasiya və hava hücumundan müdafiə bölmələri ilə qarşılıqlı əlaqədə şərti düşmənə əks-zərbə endiriblər. Əməliyyatların aparılması zamanı müasir texnoloji vasitələrdən istifadə edilməklə qərargahlar arasında məlumatlar mübadiləsi tam həcmdə həyata keçirilib.
