Noyabr yarılandı
Mərkəzi Bank noyabrın 15-də bir çox valyutanın məzənnəsini qaldırıb. Novator.az-ın məlumatına görə, bahalaşan avro 1,9274, Çin yuanı 0,2450, Gürcüstan larisi 0,6343, İngiltərə funt sterlinqi 2,2120, Rusiya rublu 0,0254, Türkiyə lirəsi 0,3112 manata satılır.
ABŞ dollarının rəsmi kursu 1,7 manat həddində qalıb, İsveç kronu (0,1876 manat), Moldova leyi (0,0995 manat), Səudiyyə Ərəbistanı rialı (0,4531 manat), Tacikistan somonisi (0,1804 manat) dəyər itirib (Məzənnələr).
2015-ci ildə dolların rəsmi kursu 0,7844 manatdan 1,5594 manata qalxıb. 2016-cı ilə 1,7707 manatla nöqtə qoyulub. 2017-ci il 1,7001 manatla başa çatıb və həmin kurs 2018-ci il martın 7-dək qüvvədə olub. Martın 7-dən dollar 1,7 manata təklif edilir.
Bu ilin yanvar-oktyabr aylarında Mərkəzi Bankın manatı qorumaq üçün keçirdiyi valyuta hərraclarında Dövlət Neft Fondu 5 milyard 129,2 milyon ABŞ dolları dəyərində vəsait satıb.
