Nemət Pənahlı Avropa Məhkəməsinə şikayət edəcək
Siyasətçi Nemət Pənahlı Avropa İnsan Hüquqları Məhkəməsinə üz tutmaq istəyir. O, oktyabrın 12-də Nəsimi Rayon Məhkəməsinin qərarı ilə polisin qanuni tələbinə tabe olmamaqda təqsirli bilinərək 30 sutka inzibati həbs cəzası almışdı.
Noyabrın 11-də həbsdən çıxmış Nemət Pənahlı “Turan”a deyib ki, əsassız tutulduğu üçün Avropa İnsan Hüquqları Məhkəməsinə şikayət edəcək.
Nemət Pənahlı 1980-ci illərin sonlarında xalq hərəkatının liderlərindən biri kimi tanınıb. O, 2011-2016-cı illərdə silahdan və ya silah qismində istifadə edilən əşyaları tətbiq etməklə xuliqanlıq və qəsdən sağlamlığa az ağır zərər vurmaq ittihamı ilə həbsdə olub.
