ABŞ-ın müharibə xərcləri hesablanıb
2001-ci ildən bəri ABŞ müharibələrə 6 trilyon dollara yaxın pul xərcləyib. Novator.az-ın məlumatına görə, Braun Universitetinin professoru Neta Krouford belə hesablama aparıb. Alim müqayisə üçün ABŞ-ın 2018-ci il büdcəsinin 4 trilyon dollar olduğunu vurğulayıb.
Neta Krouford hesablama apararkən 2001-ci ildən aparılan hərbi kampaniyaların maliyyələşdirilməsini təhlil edib. O, 6 trilyon dolların son məbləğ olmadığını vurğulayıb, çünki hesablama zamanı müharibə veteranlarının müalicəsinə və təminatına sərf olunan xərclər, hərbi əməliyyatların maliyyələşməsi üçün götürülən borcların faizi, habelə terrorçuluqla mübarizə tədbirlərinə ayrılan vəsaitlər nəzərə alınmayıb.
Alimin hesablamasına əsasən, 2001-ci ildən bəri müharibələrdə yarım milyon insan həlak olub.
2001-ci ildən bəri ABŞ Əfqanıstanda, İraqda, Liviyada, Suriyada və başqa ölkələrdə müxtəlif səviyyəli hərbi əməliyyatlar aparıb.
Səidə Hüseynova
