Abel Məhərrəmov BDU-nun rektoru postundan getdi
Abel Məhərrəmov Bakı Dövlət Universitetinin rektoru vəzifəsindən azad edilib. Sərəncamı prezident İlham Əliyev noyabrın 15-də imzalayıb.
Abel Məhərrəmov 1999-cu il yanvarın 11-dən Bakı Dövlət Universitetinin rektoru idi.
Novator.az bildirir ki, Abel Məhərrəmov 1950-ci il yanvarın 5-də Ağdam şəhərində anadan olub. Bakı Dövlət Universitetinin kimya fakültəsini və Moskva Dövlət Universitetinin aspiranturasını bitirib. Kimya elmləri doktoru, əməkdar elm xadimi, “Şöhrət” ordeni laureatı, Milli Elmlər Akademiyasının həqiqi üzvüdür.
2000-2010-cu illərdə Milli Məclisin deputatı olub.
Abel Məhərrəmovun oğlu Anar Məhərrəmov 2016-cı il aprelin 5-dən Azərbaycanın İspaniyada fövqəladə və səlahiyyətli səfiridir.
