Xidmətlər: büdcə qurumlarının 3,9 milyon manat borcu var
Dövlət büdcəsindən maliyyələşdirilən idarə, müəssisə və təşkilatlar 2018-ci ilin yanvar-sentyabr aylarında 198,1 milyon manatlıq elektrik və istilik enerjisindən, təbii qaz, su və rabitə xidmətlərindən istifadə edib. Novator.az bildirir ki, Dövlət Statistika Komitəsinin hesabatına görə, istehlakın ümumi dəyərinin 72,8 faizi elektrik enerjisi, 10,1 faizi təbii qaz, 8,5 faizi su, 5,6 faizi rabitə xidmətləri, 3 faizi istilik enerjisi olub.
9 ayda büdcə təşkilatları istifadə etdikləri xidmətlərin ümumi dəyərinin 98 faizini ödəyib, 3,9 milyon manat borc yaranıb.
Büdcədən maliyyələşən istehlakçılar 5 milyon manatlıq təbii qaza, 3,6 milyon manatlıq suya və 0,7 milyon manatlıq istilik enerjisinə qənaət ediblər.
