Qeyri-neft ixracı nə qədər artıb?
2018-ci ilin yanvar-sentyabr aylarında Azərbaycanın hüquqi və fiziki şəxsləri 176 ölkədəki tərəfdaşları ilə ticarət əməliyyatları həyata keçirib, 102 ölkəyə məhsul ixrac olunub, 168 ölkədən mal alınıb. Novator.az-ın məlumatına görə, Dövlət Statistika Komitəsi xarici ticarət dövriyyəsini 23 milyard 159,4 milyon ABŞ dolları, o cümlədən ixracın dəyərini 15 milyard 254,2 milyon dollar, idxalın dəyərini 7 milyard 905,2 milyon dollar göstərir.
Hesabata əsasən, 2017-ci ilin yanvar-sentyabr ayları ilə müqayisədə xarici ticarət dövriyyəsi faktiki qiymətlərlə 34,3 faiz, o cümlədən ixrac 37,9 faiz, idxal 28 faiz artıb. Real ifadədə dövriyyənin 0,2 faiz, o cümlədən idxalın 2,3 faiz azaldığı, ixracın 0,9 faiz artdığı vurğulanır.
Yanvar-sentyabr aylarında 1 milyard 207,4 milyon dollar dəyərində qeyri-neft məhsulları ixrac edilib, bu da 2017-ci ilin yanvar-sentyabr aylarına nisbətən faktiki qiymətlərlə 12,9 faiz, real ifadədə isə 3,5 faiz çoxdur.
