Ermənistan bazarı bir ildə nə qədər bahalaşıb?
Ermənistanın Milli Statistika Komitəsi ölkənin istehlak bazarı ilə bağlı yeni rəqəmlər açıqlayıb. Novator.az-ın məlumatına görə, hesabatda bildirilir ki, 2018-ci ilin oktyabrında qiymətlər ötən ilin eyni dövrü ilə müqayisədə 2,8% artıb.
Qida məhsulları və alkoqolsuz içkilərin oktyabrda 2017-ci ilin eyni ayı ilə müqayisədə 3,5% bahalaşdığı bildirilir.
Hesabata əsasən, bahalaşma üzrə birinci yerdə dəniz məhsulları gəlir. Bu ilin oktyabrında həmin məhsulların qiymətində 2017-ci ilin eyni ayına nisbətdə 35,9% artım qeydə alınıb.
Bahalaşan məhsullar içərisində ikinci yerdə mal əti durur: 22,7%.
Quru meyvə və qoz-fındıq 18,2%, içalat 11,9%, meyvə 7,5%, quzu əti, qoyun əti, keçi əti və yağ 7,4%, zeytun yağı, balıq 6,2%, yumurta 5,6% bahalaşıb.
Səidə Hüseynova
