Avroda yüksəliş
Noyabrın 14-də avronun rəsmi kursu 1,9190 manata yüksəlib. Novator.az-ın məlumatına görə, ABŞ dollarının qiyməti 1,7 manat səviyyəsində qalıb, gürcü larisi (0,6284 manat), Rusiya rublu (0,0250 manat), türk lirəsi (0,3101 manat) ucuzlaşıb (Məzənnələr).
2015-ci ildə dolların rəsmi kursu 0,7844 manatdan 1,5594 manata qalxıb. 2016-cı ilə 1,7707 manatla nöqtə qoyulub. 2017-ci il 1,7001 manatla başa çatıb və həmin kurs 2018-ci il martın 7-dək qüvvədə olub. Martın 7-dən dollar 1,7 manata təklif edilir.
Avro 2018-ci ilə 2,0431, lari 0,6601, rubl 0,0297, lirə 0,4495 manatla start verib.
Bu ilin yanvar-oktyabr aylarında Mərkəzi Bankın manatı qorumaq üçün keçirdiyi valyuta hərraclarında Dövlət Neft Fondu 5 milyard 129,2 milyon ABŞ dolları dəyərində vəsait satıb.
