Təltif sərəncamı
Prezident İlham Əliyev Azərbaycanda biznes mühitinin əlverişliliyinin artırılması və beynəlxalq reytinqlərdə ölkənin mövqeyinin yaxşılaşdırılması sahəsində xidməti olan bir qrup şəxsi medallarla təltif edib.
Abdullayev Akif Hacı oğlu, Feyzullayev Tural Hicrət oğlu, İsayev İdris Balakişi oğlu, Qasımlı Vüsal Əfras oğlu, Məmmədov Sahib Əli oğlu, Lətifov Ragim Əhəd oğlu, Rüstəmli Elsevər Mövlud oğlu, Vəliyev İlkin Etibar oğlu, Vəliyev Sərvər Yaqub oğlu “Tərəqqi” medalı alıblar.
Qədirov Ayaz Tofiq oğluna, Məmmədova Fərəh Fərahim qızına, Sadıqov Rafiq Fazil oğluna, Şahbazov Famil Fariz oğluna, Şirinov Şamil Vidadi oğluna isə “Dövlət qulluğunda fərqlənməyə görə” medalı verilib.
Novator.az bildirir ki, Dünya Bankının biznes mühitini qiymətləndirən yeni hesabatında Azərbaycan 190 ölkə arasında 25-ci pillədə yer alıb. Biznesə başlama, tikintiyə icazə, daşınmaz əmlakın qeydiyyatı, kreditə əlçatanlıq, sərmayəçilərin hüquqlarının qorunması kimi meyarlara əsaslanan reytinqdə Gürcüstan 6-cı, Rusiya 31-ci, Ermənistan 41-ci, Türkiyə 43-cü, İran 128-ci yerdə göstərilib.
