Bir fincan çay xeyirlidir, amma şərti var
Qərbi Avstraliya Universitetinin mütəxəssisləri çayın orqanizmə təsirini araşdırıb. Novator.az-ın məlumatına görə, tədqiqat gündə bir fincan çayın ürək-damar xəstəliyi riskini azaltdığını göstərib.
Alimlərin qənaəti 53 min nəfərin iştirakı ilə 23 il ərzində aparılmış tədqiqatın nəticələrinə əsaslanır. Tədqiqat iştirakçılarının 12 min nəfərə yaxını ürək xəstəsi olub.
Eksperiment iştirakçılarının qida rasionunu müqayisə edən alimlər belə qənaətə gəliblər ki, tərkibində 500 milliqram flavonoid olan ərzaqlar insultun, işemik ürək və periferik arterial kimi xəstəliklərin qarşısını alır.
Bitki maddəsi olan flavonoid orqanizmdə bir çox fermentlərin fəallığına təsir göstərir. Bu element iltihaba qarşı xüsusiyyətləri ilə də tanınır.
Mütəxəssislər hesab edir ki, bir fincan çayın tərkibində 500 milliqram flavonoid var.
Amma alimlər bu elementin faydasını görmək üçün siqaretdən və spirtli içkidən imtina etməyi məsləhət görür.
Səidə Hüseynova
