Təhsil Nazirliyinə müraciət statistikası
2018-ci ilin oktyabr ayında Təhsil Nazirliyinin vətəndaşlarla iş bölməsinə 9341 müraciət daxil olub. Rəsmi hesabata görə, telefon məlumat mərkəzində 5344 zəng qəbul edilib, vətəndaşların qəbulu mərkəzində 3997 vətəndaşa xidmət göstərilib.
Nazirliyin 2122 sənəd (854 ərizə, 1268 məktub) qəbul etdiyi bildirilir.
Daxil olan müraciətlər daha çox müəllimlərin işə qəbulu və yerdəyişməsi, dərs saatlarının verilməsi və ali təhsil sənədlərinin (diplomların) tanınması ilə bağlı məsələləri əhatə edib.
