Böyük beşlikdən yeniliklər
Novator.az yenidən Avropanın aparıcı milli futbol çempionatlarının gedişinə nəzər salıb.
12 turu geridə qoyan İngiltərə çempionatında “Mançester Siti” 32 xalla birinci pillədədir. “Liverpul”un 30, “Çelsi”nin 28, “Tottenhem”in 27 xalı var.
11 turdan sonra Almaniya çempionatında Dortmund “Borussiya”sı 27 xalla öndədir. “Borussiya” (Mönhenqladbah) klubu 23, “Leypsiq” 22 xal toplayıb. Üçlüyü 20 xalla “Ayntraxt” (Frankfurt) və “Bavariya” izləyir.
İspaniya çempionatında 12 tur oynanıb, “Barselona” 24 xalla irəlidədir. Lideri 23 xalla “Sevilya”, “Atletiko” və “Alaves” təqib edir. “Espanyol” 21, “Real” 20 xal yığıb.
İtaliya çempionatında 12 turun ardından 34 xalla “Yuventus” liderdir. “Napoli” 28, “İnter” 25, “Latsio” 22, “Milan” 21 xal əldə edib.
Fransa milli futbol çempionatında 13 tur arxada qalıb. Turnir cədvəlinə 39 xalla PSJ öncüllük edir. Lideri “Lill” izləyir: 26 xal. “Monpelye” 25, “Lion” 24, “Sent-Etyenn” 23, “Marsel” 22 xal götürüb.
