Hərb oyunları başlayır
Azərbaycan Ordusu noyabrın 12-dən komanda-qərargah hərb oyunları keçirəcək. Müdafiə Nazirliyinin məlumatına görə, məqsəd real şəraitdə keçirilən müxtəlif qoşun əməliyyatlarında idarəetmə orqanlarının qarşılıqlı fəaliyyətinin səviyyəsini yoxlamaq və təkmilləşdirməkdir. Hərb oyunlarına strateji, əməliyyat, əməliyyat-taktiki və taktiki idarəetmə orqanları, qoşun növ və qisimləri, eləcə də xüsusi təyinatlı qüvvələrin cəlb edilməsi nəzərdə tutulur.
Ordunun sərəncamında olan ən yeni, o cümlədən kosmik texnologiyaların tətbiqi ilə qoşunların fasiləsiz idarə edilməsi, qarşılıqlı fəaliyyət, məlumatların sürətli ötürülməsi və şəraitə uyğun olaraq qərarların dərhal qəbul edilməsi üzrə vərdişlərin icra olunacağı bildirilir.
