Çempionlar Liqasında turnir vəziyyəti
UEFA Çempionlar Liqasının qrup mərhələsində dörd tur arxada qalıb. Novator.az-ın məlumatına görə, A qrupunda “Borussiya” (Dortmund, Almaniya) və “Atletiko” (İspaniya) 9 xalla öndədirlər. “Brügge”nin (Belçika) 4 xalı var.
1 xal yığan “Monako” (Fransa) mərhələ adlamaq şansını itirib.
1/8 finala çıxmaq üçün qrupda ən azı ikinci yeri tutmaq gərəkdir. Üçüncü yerin sahibi Avropa Liqasına köç edəcək.
B qrupunda “Barselona” (İspaniya) 10 xalla liderlik edir. “İnter” (İtaliya) 7 xal, “Tottenhem” (İngiltərə) 4 xal, PSV (Hollandiya) 1 xal toplayıb.
C qrupunda “Liverpul” (İngiltərə) və “Napoli” (İtaliya) 6 xala, PSJ (Fransa) 5 xala, “Srvena Zvezda” (Serbiya) 4 xala sahibdir.
D qrupunda “Portu” (Portuqaliya) 10 xal, “Şalke” (Almaniya) 8 xal, “Qalatasaray” (Türkiyə) 4 xal yığıb.
Xalsız olan “Lokomotiv”in (Moskva, Rusiya) 1/8 finala çıxmaq şansı qalmayıb.
E qrupunda “Bavariya” (Almaniya) 10 xalla irəlidədir. “Ayaks”ın (Hollandiya) 8 xalı, “Benfika”nın (Portuqaliya) 4 xalı var.
AEK (Yunanıstan) xalsızdır və növbəti mərhələyə çıxmaq şansını itirib.
F qrupunda “Mançester Siti” (İngiltərə) 9 xalla liderdir. “Lion” (Fransa) 6 xal, “Hoffenhaym” (Almaniya) 3 xal, “Şaxtyor” (Ukrayna) 2 xal toplayıb.
G qrupuna 9 xalla “Roma” (İtaliya) və “Real” (İspaniya) başçılıq edirlər. SSKA-nın (Rusiya) 4 xalı var.
1 xalı olan “Viktoriya” (Çexiya) 1/8 finala çıxmaq şansını itirib.
H qrupunda “Yuventus” (İtaliya) 9 xalla öndədir. “Mançester Yunayted” (İngiltərə) 7 xal, “Valensiya” (İspaniya) 5 xal, “Yanq Boyz” (İsveçrə) 1 xal yığıb.
