Bələdiyyələrin statusu yeniləndi
Prezident İlham Əliyev “Bələdiyyələrin statusu haqqında” qanuna dəyişiklikləri təsdiqləyib.
Novator.az bildirir ki, yerli büdcənin mədaxili və məxarici məsələsini tənzimləyən 40-cı maddə yenilənib. Dəyişikliyə görə, yerli büdcələrin mədaxilinə yerli vergilər və ödənişlər, qanunvericilik və icra hakimiyyətlərinin bələdiyyəyə verdiyi əlavə səlahiyyətlərin həyata keçirilməsi üçün bələdiyyə üzrə ayrılmış müvafiq zəruri maliyyə vəsaiti; bələdiyyə əmlakının özəlləşdirilməsindən, bələdiyyə əmlakının icarəyə və istifadəyə verilməsindən, yerli lotereyalardan, bələdiyyə mülkiyyətində olan daşınmaz əmlak üzərində reklam daşıyıcısının yerləşdirilməsi ilə bağlı ödəniş; bələdiyyə müəssisə, idarə və təşkilatlarının mənfəətindən tutulan vergi, dotasiyalar, subvensiyalar, transfert ödənişləri; qanuna və bələdiyyələrin qərarlarına müvafiq surətdə digər mədaxil; habelə bələdiyyələrin fəaliyyəti nəticəsində yaranan başqa vəsait daxildir.
Bələdiyyələr yerli büdcələrin vəsaiti barəsində müstəqil sərəncam verirlər.
