Sabiq nazirə hökumət qurmaq həvalə olundu
Latviya prezidenti noyabrın 7-də Yeni Mühafizəkar Partiyasının təmsilçisi Yanis Bordansa hökumət qurmağı tapşırıb. Novator.az-ın məlumatına görə, dövlət başçısı Raymonds Veyonis baş nazir postuna namizədi noyabrın 21-dək hökumətin tərkibi barədə təqdimat verməyə və parlament çoxluğu formalaşdırmağa çağırıb.
1967-ci il təvəllüdlü Yanis Bordans 2012-2013-cü illərdə Latviyanın ədliyyə naziri olub.
Yeni Mühafizəkar Partiyası oktyabrın 6-da keçirilmiş seçkidə 100 nəfərlik parlamentə 16 mandat qazanıb. Parlamentdə Həmrəylik, Yeni Birlik, KPV LV partiyaları, “İnkişaf naminə hə”, “Hər şey Latviya üçün” birlikləri, Yaşıllar və Kəndlilər İttifaqı da təmsil olunur. Hələlik hökumət qurmaq mümkün olmayıb.
