“Koroğlu”dakı “Bravo” açıldı
Prezident İlham Əliyev noyabrın 7-də “Bravo” şəbəkəsinin metronun “Koroğlu” stansiyasının yaxınlığında yerləşən yeni hipermarketinin açılışında iştirak edib.
Ticarət obyektinin ümumi sahəsi 7 hektardan, ticarət sahəsi isə 8 min kvadratmetrdən artıqdır. Hipermarketin qapalı və açıq avtodayanacağının sahəsi 11 min kvadratmetrdən çoxdur. Bu dayanacaqlarda eyni vaxtda 800-ə yaxın avtomobil saxlanıla bilər.
Müştərilərə ən geniş çeşiddə müxtəlif növ məhsulların təqdim edildiyi hipermarketdə “Bravo kafe”, uşaqlar üçün xüsusi zona, “Kapital Bank”, “McDonalds”, “Buta aptek” də fəaliyyət göstərəcək. Hipermarketdə 335 nəfər işlə təmin olunub. Onların orta aylıq əməkhaqqı 540 manata yaxındır.
İndiyədək Bakı və Gəncə şəhərlərində “Bravo” şəbəkəsinə məxsus 27 mağaza, o cümlədən 3 hipermarket alıcıların ixtiyarına verilib.
Xəbəri AZƏRTAC yayıb.
