Azərbaycanda yeni pulemyotun istehsalına başlanıb
Müdafiə Sənayesi Nazirliyinin müəssisələrində yaradılan 7,62×54 millimetr çaplı HP-7,62 tipli hücum pulemyotunun istehsalına başlanıb.
Rəsmi məlumata görə, Azərbaycan mütəxəssislərinin hazırladığı pulemyot qısa məsafəli döyüşdə düşmənin canlı qüvvəsini məhv etmək və atəş vasitələrinə zərər vurmaq üçün nəzərdə tutulub. Pulemyotdan atəş ikiayaqdan və ya müxtəlif konstruksiyalı üçayaqlı və döyüş maşınlarında quraşdırılan dəzgahlardan aparıla bilər.
Silahın nişangah məsafəsi 1000 metr, uzunluğu 1080 millimetr, atış tezliyi dəqiqədə 650-750 atəş, döyüş atış tezliyi dəqiqədə 250 atəş, çəkisi 8,6 kiloqramdır.
