Rusiyada orta maaş: lider bölgələr və sahələr
Rusiyada orta maaşın ən yüksək olduğu bölgələrin siyahısı açıqlanıb. Novator.az-ın məlumatına görə, ilk sırada 64 min 600 rubl (1660 manat) orta maaşla paytaxt Moskva dayanır.
Sankt-Peterburq 50 min 500 rubl (1298 manat) orta maaşla ikinci, Yekaterinburq 44 min rubl (1131 manat) orta maaşla üçüncüdür.
Rabota.ru xidmətinin hesablamasına əsasən, Moskvada ən yüksək orta maaş informasiya texnologiyaları sahəsində qeydə alınıb: 84 min 200 rubl (2164 manat).
Nəqliyyat və logistika sahələrində orta maaş 70 min 900 rubl (1822 manat), istehsal sahəsində 66 min 700 rubl (1714 manat), inşaat və daşınmaz əmlak sahələrində 65 min 100 rubl (1673 manat), satış sahəsində 62 min 200 rubl (1598 manat) göstərilir.
Səidə Hüseynova
