Radikal siyasi fəal azadlığa çıxdı
Ermənistanda amnistiya aktının tətbiqinə başlanıb. Novator.az bildirir ki, noyabrın 6-da radikal siyasi fəal Şant Arutyunyan azadlığa buraxılıb. O, 2013-cü il noyabrın 5-də paytaxt Yerevanda keçirilmiş icazəsiz yürüş zamanı polislə toqquşmalar üstündə tutularaq 6 il müddətinə azadlıqdan məhrum edilmişdi.
Şant Arutyunyanın 53 yaşı var. Onun 5 noyabr 2103-cü ildə təşkil etdiyi aksiyaya görə daha 13 nəfər məhkum olunub.
Noyabrın 6-da qüvvəyə minən amnistiya aktı 3 ilədək azadlıqdan məhrumetmə cəzası almış şəxsləri həbsdən buraxmağı nəzərdə tutur.
Amnistiya 6 ilədək iş almış I və II qrup əlillərə, ehtiyatsızlıqdan cinayət törədərək 5 ilədək azadlıqdan məhrum edilmiş, 3 yaşadək azı üç övladı olan şəxslərə, hamilə qadınlara da şamil olunur.
60 yaşdan yuxarı şəxslər, 18 yaşına çatmamış ilk dəfə cinayət törədənlər də amnistiyaya düşür.
