Kreditlər 563,8 milyon, əmanətlər 637,9 milyon manat artıb
Kredit və əmanət üzrə yeni rəsmi hesabatlar açıqlanıb. Novator.az-ın məlumatına görə, Mərkəzi Bank bildirir ki, oktyabrın 1-nə kreditlərin məbləği 11 milyard 901,4 milyon manata düşüb, əmanətlərin həcmi isə 8 milyard 199,1 milyon manata qalxıb.
Sentyabrın 1-nə kreditlərin məbləği 11 milyard 905,5 milyon manat, əmanətlərin həcmi 8 milyard 20,8 milyon manat idi.
2018-ci ilin doqquz ayında kredit məbləğində 563,8 milyon manat, əmanətlərin həcmində 637,9 milyon manat artım qeydə alınıb. Kreditlərin məbləği yanvarın 1-nə 11 milyard 337,6 milyon manat, əmanətlərin həcmi 7 milyard 561,2 milyon manat olub.
