30 bankın 29,2 milyard manatı var
Maliyyə Bazarlarına Nəzarət Palatası bank sektoru ilə bağlı göstəriciləri açıqlayıb. Novator.az bildirir ki, rəsmi hesabata görə, 2018-ci il oktyabrın 1-nə Azərbaycanda fəaliyyət göstərən 30 bankın cəmi aktivləri 29 milyard 201,8 milyon manat, cəmi öhdəlikləri 25 milyard 89 milyon manat olub.
Bank sektoru 9 ay ərzində 171,8 milyon manat xalis mənfəət əldə edib.
Fəaliyyət göstərən 30 bankın 511 filialı, 143 şöbəsi var. Bank sektorunun işçi heyəti 17 min 66 nəfərdir.
3 fevral 2016-cı ildə yaradılmış Maliyyə Bazarlarına Nəzarət Palatası qiymətli kağızlar bazarı, investisiya fondları, sığorta, kredit təşkilatları (bank, bank olmayan kredit təşkilatları və poçt rabitəsinin operatoru), valyuta mübadiləsi fəaliyyəti və ödəniş sistemləri (maliyyə bazarları) sahəsində fəaliyyətin lisenziyalaşdırılmasını, tənzimlənməsini və həmin sahələrə nəzarət sisteminin şəffaflığını və çevikliyini təmin edir.
