On ayda manat 5,1 milyard dollar yeyib
Dövlət Neft Fondu Mərkəzi Bankın oktyabr ayında keçirdiyi valyuta hərraclarında 489,6 milyon ABŞ dolları məbləğində vəsait satıb. Açıqlama noyabrın 5-də yayılıb.
Novator.az bildirir ki, rəsmi hesabatlara görə, yanvarın hərraclarında fonddan 299,1 milyon dollar, fevralın hərraclarında 364,1 milyon dollar, martın hərraclarında 647 milyon dollar, aprelin hərraclarında 802,6 milyon dollar, mayın hərraclarında 422,7 milyon dollar, iyunun hərraclarında 439 milyon dollar, iyulun hərraclarında 536,6 milyon dollar, avqustun hərraclarında 733,7 milyon dollar, sentyabrın hərraclarında 394,8 milyon dollar məbləğində vəsait alınıb.
2018-ci ilin on ayı ərzində satılan valyutanın həcmi 5 milyard 129,2 milyon dollardır.
Mərkəzi Bank 2018-ci ilə 1,7001 manat rəsmi məzənnə ilə başlayan ABŞ dollarını martın 7-dən 1,7 manata təklif edir.
Noyabrın 5-də avroya 1,9353, gürcü larisinə 0,6251, Rusiya rubluna 0,0257, türk lirəsinə 0,3122 manat qiymət qoyulub. Avro 2018-ci ilə 2,0431, lari 0,6601, rubl 0,0297, lirə 0,4495 manatla start verib.
