Liderlər və təqibçilər
Fransa milli futbol çempionatında 12-ci tur arxada qalıb. Novator.az-ın məlumatına görə, turnir cədvəlinə bir xal belə itirməyən PSJ öncüllük edir. 36 xalı olan lideri “Monpelye” və “Lill” izləyir. Hər iki komanda 25 xal yığıb.
İtaliya çempionatında 11 turun ardından 31 xalla “Yuventus” liderdir. “İnter” və “Napoli”nin 25 xalı var.
İspaniya çempionatında 11 tur oynanıb. Lider “Barselona” 24 xal toplayıb. Onu 20 xalla “Sevilya”, “Atletiko” və “Alaves” təqib edir.
10 turdan sonra Almaniya çempionatında Dortmund “Borussiya”sı 24 xalla öndədir. “Borussiya” (Mönhenqladbah) və “Bavariya” 20 xal toplayıb.
11-ci turu noyabrın 5-də başa çatacaq İngiltərə çempionatında “Mançester Siti” 29 xalla birinci pillədədir. “Çelsi” və “Liverpul”un 27 xalı var.
