Hərbi Hava Qüvvələrinin yeni mərkəzi
Hərbi Hava Qüvvələri bölmələrinin idarə edilməsi və texniki-nəzarət mərkəzinin açılışı keçirilib. Mod.gov.az-ın 5 noyabr məlumatına görə, tədbirdə iştirak edən müdafiə naziri general-polkovnik Zakir Həsənov döyüşü idarəetmə məntəqəsinə, rabitə qovşağına, idarəetmə cihazlarının test və təmiri laboratoriyasına, idarəetmə üzrə mütəxəssislərin hazırlanması üçün nəzərdə tutulmuş simulyatorlara, eləcə də digər xidməti və inzibati otaqlara baxış keçirib.
Mərkəzin təyinatı müxtəlif növ hərbi aviasiyanın uçuşlarının idarə edilməsi, həmçinin döyüş tapşırıqlarının dəqiq və effektiv icrasının təmin edilməsidir.
