Yalnız iki valyuta ucuzlaşıb
Mərkəzi Bank noyabrın 2-də xarici valyutaların çoxunu bahalaşdırıb. Novator.az-ın məlumatına görə, avro 1,9396, gürcü larisi 0,6273, türk lirəsi 0,3086 manata yüksəlib.
ABŞ dollarının (1,7 manat) və Rusiya rublunun (0,0259 manat) rəsmi kursları dəyişməyib.
Dəyər itirən iki valyuta var. 1 Moldova leyinin rəsmi qiyməti 0,0991 manata, 100 Yapon yeni 1,5048 manata düşüb (Məzənnələr).
2015-ci ildə dolların rəsmi kursu 0,7844 manatdan 1,5594 manata qalxıb. 2016-cı ilə 1,7707 manatla nöqtə qoyulub. 2017-ci il 1,7001 manatla başa çatıb və həmin kurs 2018-ci il martın 7-dək qüvvədə olub. Martın 7-dən dollar banklara 1,7 manata təklif edilir.
