Ensiklopediyanın yeni redaksiya heyəti
Azərbaycan Milli Ensiklopediyası redaksiya heyətinin yeni tərkibi təsdiqlənib. Novator.az-ın məlumatına görə, prezidentin 1 noyabr fərmanı ilə redaksiya heyətinin sədri İlham Əliyev özüdür.
Redaksiya heyəti sədrinin birinci müavini postu Prezident Administrasiyasının rəhbəri, AMEA-nın həqiqi üzvü Ramiz Mehdiyevə, sədr müavini postları İbrahim Quliyev (AMEA-nın vitse-prezidenti), İsa Həbibbəyli (AMEA-nın vitse-prezidenti) və Anar Rzayevə (Azərbaycan Yazıçılar Birliyinin sədri) həvalə olunub.
Azərbaycan Milli Ensiklopediyasının baş redaktoru Akif Əlizadə (AMEA-nın prezidenti), məsul katibi Tofiq Nağıyevdir (AMEA-nın həqiqi üzvü).
Redaksiya heyətinin üzvləri arasında Tahir Budaqov (Dövlət Statistika Komitəsinin sədri), Ömər Eldarov (Azərbaycan Rəssamlıq Akademiyasının rektoru), Urxan Ələkbərov (Dövlət İdarəçilik Akademiyasının rektoru), Fərəh Əliyeva (Prezident Administrasiyasının humanitar siyasət məsələləri şöbəsinin müdiri) və başqaları var.
