9 əmək birjasında 127 nəfər iş tapıb
Əmək və Əhalinin Sosial Müdafiəsi Nazirliyinin 2 noyabr məlumatına görə, Dövlət Məşğulluq Xidməti son bir ayda Bakının Qaradağ, Nərimanov, Nəsimi, Nizami, Sabunçu, Səbail, Suraxanı, Xətai və Xəzər rayonlarında səyyar əmək birjaları keçirilib.
Hesabata əsasən, işsiz və işaxtaran vətəndaşlara 305 müəssisə üzrə 1320 vakansiya təklif olunub. 127 nəfərə vakansiyalar üzrə müvafiq müəssisələrə göndəriş verilib. 43 nəfər peşə hazırlığı və ya əlavə təhsil kurslarına, 71 nəfər özünüməşğulluq proqramına cəlb olunmaq üçün qeydiyyata alınıb.
