Xəbərlər yüklənir ...
Prezident İlham Əliyev noyabrın 1-də Dağlıq Qarabağ münaqişəsi üzrə beynəlxalq vasitəçiləri – ATƏT-in Minsk qrupunun ABŞ, Rusiya, Fransadan olan həmsədrləri Endrü Skofer, İqor Popov, Stefan Viskonti və ATƏT sədrinin xüsusi nümayəndəsi Anjey Kasprşiki qəbul edib.
Görüşdə Dağlıq Qarabağ münaqişəsinin həlli ilə bağlı danışıqların hazırkı vəziyyəti və perspektivləri müzakirə olunub.
1988-ci ilin fevralında Azərbaycanın Dağlıq Qarabağ vilayətinin Ermənistana verilməsi tələbi ilə separatçı hərəkat, hərbi təcavüz başlayıb. 1991-ci il sentyabrın 2-də ermənilər Dağlıq Qarabağı “müstəqil dövlət” elan edib, işğalçı müharibə alovlanıb. 1994-cü ilin mayında atəşkəslə dayanan müharibədə Ermənistan Dağlıq Qarabağı və onun ətrafındakı 7 rayonu işğal edib.
Münaqişənin dinc yolla tənzimlənməsi üçün 1992-ci ildə yaradılan ATƏT-in Minsk qrupunda həmsədrlər, Azərbaycan və Ermənistanla yanaşı Belarus, Almaniya, İtaliya, İsveç, Finlandiya, Türkiyə təmsil olunur.