Biznes mühiti: Azərbaycan 190 ölkə arasında 25-cidir
Dünya Bankı biznes mühitini qiymətləndirən “Doing Business 2019” hesabatı açıqlayıb. Novator.az bildirir ki, Azərbaycan reytinq cədvəlində 190 ölkə arasında 25-ci pillədə yer alır.
Biznesə başlama, tikintiyə icazə, daşınmaz əmlakın qeydiyyatı, kreditə əlçatanlıq, sərmayəçilərin hüquqlarının qorunması kimi meyarlara əsaslanan reytinqə Yeni Zelandiya başçılıq edir. Sinqapur ikinci, Danimarka üçüncüdür.
Gürcüstan hesabatda 6-cı, Litva 14-cü, Estoniya 16-cı, Latviya 19-cu, Qazaxıstan 28-ci, Rusiya 31-ci, Belarus 37-ci, Ermənistan 41-ci, Moldova 47-ci, Qırğızıstan 70-ci, Ukrayna 71-ci, Özbəkistan 76-cı, Tacikistan 126-cı pillədədir.
Türkiyə 43-cü, İran 128-ci yerdə göstərilir.
Siyahını Somali qapadır.
