Ermənistanda 6500 nəfər amnistiyaya düşür
Ermənistan parlamenti oktyabrın 31-də amnistiya aktı qəbul edib. Novator.az-ın məlumatına görə, ilk oxunuşdan keçən amnistiya aktı 3 ilədək azadlıqdan məhrumetmə cəzası almış şəxsləri həbsdən buraxmağı nəzərdə tutur.
Amnistiya 6 ilədək iş almış I və II qrup əlillərə, hamilə qadınlara, 3 yaşadək azı üç övladı olan şəxslərə də şamil olunur.
60 yaşdan yuxarı şəxslər, 18 yaşına çatmamış ilk dəfə cinayət törədənlər də amnistiyaya düşür.
Məlumata əsasən, ümumən 6500 nəfərə şamil olunan amnistiya aktı 666 məhkumu, istintaq altında olan 1096 şəxsi əhatə edəcək.
Ağır cinayətlər (o cümlədən adam oğurluğu, jurnalistin peşə fəaliyyətinə əngəl, dövlətə xəyanət, terrorçuluq cinayətləri) törətmiş şəxslər amnistiyadan kənar qalır.
