Hərrac qiymətləri nə qədər artırdı?
Əmlak Məsələləri Dövlət Komitəsinin 30 oktyabr hərracında 17 əmlaka ümumilikdə 26 sifariş verilib. Rəsmi məlumata görə, 8 kiçik dövlət müəssisə və obyekti, 2 qeyri-yaşayış sahəsi, 7 nəqliyyat vasitəsi özəlləşdirilib.
2009-cu ildə buraxılmış “Toyota Camry” markalı avtomobillərdən birinin ilkin qiyməti 15 min manat, digərininki 13 min manat təyin olunub. Sifarişçilər arasında mübarizə son satış qiymətini müvafiq olaraq 17 min 500 və 17 min 300 manata qədər yüksəldib.
2005-ci il istehsalı olan “QAZ- 31105” markalı avtomobilin hərracında yaranan rəqabət yekun hərrac qiymətini 2 dəfə artırıb. İlkin qiyməti 1500 manat olan maşına prosesin qalibi 3 min manat təklif edib.
