Rusiyada 3,5 milyon nəfər işsiz var
Rusiyanın Federal Statistika Xidməti işsizlik hesabatı açıqlayıb. Novator.az-ın məlumatına görə, hesabatda bildirilir ki, 2018-ci ilin avqust ayında ölkədə 4,6%-lik işsizlik səviyyəsi qeydə alınıb.
Rəsmi hesabata əsasən, ən aşağı işsizlik göstəricisi paytaxt Moskvada olub: 1,2%. Sankt-Peterburqda işsizlik səviyyəsi 1,4%, Yamalo-Nenets Muxtar Mahalında 2%, Xantı-Mansı Muxtar Mahalında 2,3%, Moskva vilayətində 2,6% göstərilir.
İşsizlik səviyyəsinə görə ən mənfi göstəricilər Rusiyanın 7 bölgəsində rəsmiləşib: İnquşetiya Respublikası – 26,5%, Tuva Respublikası – 19%, Çeçen Respublikası – 13,8%, Qaraçay-Çərkəz Respublikası – 12,1%, Dağıstan Respublikası – 10,7%, Altay Respublikası və Zabaykalye diyarı – 10,2%.
Federal Statistika Xidmətinin hesabatında Rusiyada əmək qabiliyyətli 76,2 milyon insanın yaşadığı, onların 3,5 milyon nəfərinin işsiz olduğu vurğulanır.
İşsiz rusiyalının orta yaş həddi 35-dir. Onların 26,4%-i 15-25 yaş arası gənclər, 18%-i 50 yaşdan yuxarı şəxslərdir.
Səidə Hüseynova
