AXCP üzvü inzibati həbs cəzası alıb
AXCP fəalı İbrahim İbrahimli inzibati qaydada həbs edilib.
AXCP mətbuat xidmətinin yaydığı məlumata görə, partiyanın Binəqədi rayon şöbəsinin üzvü İbrahim İbrahimlini ötən həftə qeydiyyatda olduğu Tovuz rayonunda polislər saxlayıblar.
Oktyabrın 25-də ona 30 sutka inzibati həbs cəzası verildiyi bəlli olub.
Qərar Tovuz Rayon Məhkəməsində çıxarılıb.
İbrahim İbrahimli polisin qanuni tələbinə əməl etməməkdə günahkar bilinib.
AXCP-nin məlumatında deyilir ki, İbrahim İbrahimli həbs olunandan sonra onun atası vəfat edib.
