Vaxtı ötmüş kreditlərin məbləği 122 milyon manat artıb
Ödəniş vaxtı keçmiş kreditlərin məbləği açıqlanıb. Novator.az-ın məlumatına görə, Mərkəzi Bank problemli kreditlərin oktyabrın 1-nə olan həcmini 1 milyard 748,7 milyon manat göstərib. Problemli kreditlərin 921,5 milyon manatı xarici valyutadadır.
2018-ci ilin 9 ayında düyünə düşmüş kreditlərin məbləği 122 milyon manat artıb. İlin əvvəlinə vaxtı keçmiş kreditlərin məbləği 1 milyard 626,7 milyon manat idi.
Fevralın 1-nə problemli kreditlərin həcmi 1 milyard 695,9 milyon manat, martın 1-nə 1 milyard 700,9 milyon manat, aprelin 1-nə 1 milyard 710,2 milyon manat, mayın 1-nə 1 milyard 708,8 milyon manat, iyunun 1-nə 1 milyard 710,8 milyon manat, iyulun 1-nə 1 milyard 745,7 milyon manat, avqustun 1-nə 1 milyard 782,1 milyon manat, sentyabrın 1-nə 1 milyard 772,4 milyon manat həcmində rəsmiləşib.
