Klub reytinqində vəziyyət
Novator.az bir daha UEFA klub reytinqinə nəzər salıb.
Çempionlar Liqası və Avropa Liqasının qrup raundlarında üç turun ardından mövsümə 7,357 əmsalla Almaniya başçılıq edir.
2018-2019 mövsümünü 80 komanda davam etdirir. Hazırda 1 komanda ilə yarışan Azərbaycan 1,875 əmsal toplayıb və 55 UEFA üzvü arasında 36-cı yerdədir.
Rusiya 4,583 əmsal, Qazaxıstan 3,750 əmsal, Türkiyə və Belarus 3,500 əmsal, Ukrayna 3,400 əmsal yığıb.
Son beş mövsüm üzrə Azərbaycan 18,500 əmsalla 27-ci pillədə durur.
Klub reytinqində İspaniya birincidir: 91,283 əmsal.
Reytinq UEFA üzvlərinin Çempionlar Liqası və Avropa Liqasında son beş mövsümdə qazandığı əmsala əsaslanır. Qrup raunduna qədər qələbə 1, heç-heçə yarım xal; qrupda və sonrakı mərhələlərdə qələbə 2, heç-heçə 1 xaldır. Çempionlar Liqasının qrupuna düşmək 4 bonus xalı, 1/8 finala çıxmaq 5 bonus xalı, hər iki turnirin 1/4 finalına, yarımfinalına və finalına yüksəlmək 1 bonus xalı verir. Toplanan xallar qitə turnirlərinə vəsiqə almış ölkə klublarının sayına bölünür və mində bir dəqiqliklə əmsal çıxarılır.
