İstanbulda sükut
UEFA Çempionlar Liqasının qrup mərhələsində üçüncü tura yekun vurulub. Novator.az-ın məlumatına görə, D qrupunda yarışan Türkiyə təmsilçisi “Qalatasaray” oktyabrın 24-ü İstanbulda Almaniyanın “Şalke” klubu ilə üz-üzə gəlib. Komandalar xalları qolsuz heç-heçə ilə bölüblər.
Moskvada keçirilən “Lokomotiv” (Rusiya) – “Portu” (Portuqaliya) matçında isə qonaqlar üstün gəlib – 3:1.
Üç turdan sonra “Portu”nun 7, “Şalke”nin 5, “Qalatasaray”ın 4 xalı var. “Lokomotiv” xal götürməyib.
Növbəti mərhələyə adlamaq üçün qrupda ən azı ikinci yeri tutmaq gərəkdir. Üçüncü yerin sahibi Avropa Liqasına köç edəcək.
