Efiopiya tarixində ilk dəfə qadın prezident seçildi
Efiopiya tarixində ilk dəfə prezident postuna qadın seçilib. Novator.az-ın məlumatına görə, parlamentin hər iki palatasının oktyabrın 25-də keçirdiyi səsvermədə dövlət başçısı postunu Sahle-Vork Zevde tutub.
Əvvəlki prezident Mulatu Teşome oktyabrın 24-də istefaya göndərilib.
Sahle-Vork Zevde diplomatdır. Efiopiyanın Seneqal, Cibuti və Fransadakı səfiri olub, BMT-də müxtəlif rəhbər vəzifələr tutub. Prezident seçilənə qədər Sahle-Vork Zevde BMT-də Afrika İttifaqının nümayəndəliyinə başçılıq edib.
İki dəfədən artıq olmamaqla 6 il müddətinə seçilən Efiopiya prezidentinin səlahiyyətləri məhduddur. Ölkədə icra hakimiyyətinə baş nazir rəhbərlik edir.
