Gürcüstanda seçki hazırlıqları
Gürcüstanın Mərkəzi Seçki Komissiyası oktyabrın 28-də keçiriləcək prezident seçkisinə hazırlıq hesabatı yayıb.
Novator.az-ın məlumatına görə, hesabatda seçkiyə 25 namizədin qatıldığı bildirilir. Onların 19-u partiya təmsilçisi, 6-sı müstəqil namizəddir.
Seçicilərin sayı 3 milyon 518 min 890 nəfər göstərilir. 14 min 808 nəfər Gürcüstan vətəndaşı seçkidə iştirak üçün xarici ölkələrdəki diplomatik nümayəndəliklərdə qeydiyyatdan keçib.
MSK-nın məlumatında prezident seçkisi günü 3 min 698 məntəqənin açılacağı və onlardan 61-nin xaricdə (44 ölkədə) yerləşdiyi qeyd olunur.
Səidə Hüseynova
