Yoxlamalar və cəzalar
Ekologiya və Təbii Sərvətlər Nazirliyi Ətraf Mühitin Mühafizəsi Departamentinin 1-15 oktyabr arası apardığı yoxlamaların hesabatını yayıb. Rəsmi məlumata əsasən, atmosfer havasının, su və torpaq ehtiyatlarının, yerin təkinin, fauna və floranın mühafizəsi, ətraf mühitə məişət və istehsalat tullantılarının yerləşdirilməsi sahəsində qanun pozuntularına görə 187 akt və protokol tərtib edilib, nöqsanların aradan qaldırılması üçün icrası məcburi olan 40 göstəriş verilib.
50 iş üzrə 51750 manat məbləğində cərimə kəsildiyi, ətraf mühitə dəymiş ziyana görə 17 iş üzrə 99802,24 manat məbləğində iddia qaldırıldığı, ətraf mühitə tullantıların atılmasına və axıdılmasına görə 376 iş üzrə 47296,78 manat məbləğində ödəmə tətbiq edildiyi vurğulanır.
Tədbir görülməsi üçün hüquq mühafizə orqanlarına 30, icra qurumlarına 16, məhkəmələrə 3 iş göndərilib.
