Gözü qoruyan qida
Hər gün nitrat tərkibli tərəvəz yemək görmə qabiliyyətini itirmək riskini azaldır. Novator.az-ın məlumatına görə, Avstraliyanın Uestmid Tibbi Tədqiqatlar İnstitutunun alimləri belə qənaətə gəlib.
Alimlərin 15 illik tədqiqatında Avstraliyanın yaşı 49-u ötmüş 2000-dən artıq sakini iştirak edib. Tədqiqat göstərib ki, gündə 100 milliqramdan 142 milliqrama qədər nitratla zəngin (məsələn, çuğundur, ispanaq və ya yaşıl salat) tərəvəz yeyənlər makulodistrofiya göz xəstəliyinə 35% daha az düçar olur.
Makulodistrofiya – gözün sarı nöqtəsinin sıradan çıxmasıdır. Bu, görmə hüceyrələrini qidalandıran damarların ölməsi deməkdir. Həmin xəstəliyin yaşlı insanlarda korluğa səbəb olduğu bildirilir.
Səidə Hüseynova
