Avropa meydanlarında
Avropanın milli futbol çempionatlarında mübarizə davam edir. Novator.az-ın məlumatına görə, İngiltərə çempionatında 9 oyuna 23 xal yığan “Mançester Siti” və “Liverpul” öndədir. “Çelsi” və “Tottenhem”in 21 xalı var.
İspaniya çempionatının lideri “Barselona” 9 oyunda 18 xal əldə edib. Onu 17 xalla “Alaves” və “Espanyol” izləyir.
Almaniya çempionatında 8 tur geridə qalıb. Dortmund “Borussiya”sı 20 xalla ilk pillədədir. “Borussiya” (Mönhenqladbah) və “Verder” zirvə sahibini 17 xalla təqib edir. “Bavariya” 16 xal toplayıb.
İtaliya çempionatında 9 oyunun ardından 25 xalla “Yuventus” birincidir. 21 xalı olan “Napoli” ikinci pillədə dayanır. “İnter” 19 xal, “Latsio” 18 xal götürüb.
Fransa çempionatında 10 tur arxada qalıb. Turnir cədvəlinə 30 xalla PSJ başçılıq edir. “Lill” 22 xal, “Monpelye” və “Marsel” 19 xal toplayıb.
