Arazın yeni qolu açılıb
Prezident İlham Əliyev oktyabrın 22-də İmişli rayonuna gedib. AZƏRTAC xəbər verir ki, dövlət başçısı Araz çayının yeni qol-kanalının açılış mərasimində çıxış edib.
Mərasimdən sonra iqtisadiyyat naziri Şahin Mustafayev və Meliorasiya və Su Təsərrüfatı Açıq Səhmdar Cəmiyyətinin sədri Əhməd Əhmədzadə prezidentə layihə çərçivəsində görülən işlər və qarşıda duran planlar barədə məlumat veriblər.
İlham Əliyev Mingəçevir-Bəhrəmtəpə avtomobil yolunun 112 kilometrlik Qarağacı-Bəhrəmtəpə hissəsinin açılışında da iştirak edib. Həmçinin İmişli-Otuziki-Qaraqaşlı avtomobil yolu açılıb.
Sonra “Azərişıq” Açıq Səhmdar Cəmiyyətinin İmişli Avtomatik İdarəetmə və Nəzarət Mərkəzi istifadəyə verilib.
Prezident İmişlidə Bayraq Muzeyinin açılışına da qatılıb.
Həmin gün İmişli rayonunda Heydər Əliyev Fondunun təşəbbüsü ilə inşa edilmiş 100 yerlik körpələr evi-uşaq bağçası açılıb. İlham Əliyev sonra “ASAN Həyat” kompleksinin açılışında iştirak edib.
