Terror qurbanlarının sayı açıqlanıb
Krım terrorunda ölənlərin sayı 20-yə çatıb.
Kerç Politexnik Kollecinin 18 yaşlı tələbəsi Vladislav Roslyakov oktyabrın 17-si təhsil ocağında partlayış törədib, həmçinin tüfənglə sürəkli atəş açıb. Novator.az bildirir ki, son xəbərə əsasən, terror aktında 15 tələbə və kollecin 5 əməkdaşı həlak olub. 44 nəfər xəstəxanalara yerləşdirilib, 12 nəfərin durumu ağırdır.
Terror aktını törədən Vladislav Roslyakov intihar edib.
Krım Ukraynanın ərazisidir. 2014-cü ilin fevralında Rusiya Krımı işğal edib, mart ayında özünə birləşdirib. Dünya birliyi bu ilhaqı tanımır.
